الامتحان
الامتحان
✍️ سيف المريخي
| رب العباد اذا شرع فامتحانه | قصده يشوف الصبر منهو تحلاه |
| ويشوف عبده وش ملك من زمانه | اما حلال او مال او شخص يغلاه |
| وياخذ لانه هو عطاها الامانه | ماحد بيقدر يعترض في عطاياه |
| رب العباد ومنصفن في بيانه | عادل وحكمه متزن من مزاياه |
| ومن كان في بلواه هزة كيانه | لازم يعرف انه قريب بحجم بلواه |
| قريب من ربه وهذا امتحانه | ولازم بصبره ينتصر لاجل مرضاه |
| ومن حاز رضوانه بشر بالجنانه | ويبشر بعد بالي فواده تمناه |
| والي انفقد ربي بصيرن بشانه | واكثر بصارة ربه بقد ماياه |
| تلقاه فالفردوس ربي يصانه | به تلتقي لو حب ربك تعداه |
| واخر كلامي عظم الله بيانه | ويغفر لذنب الي يحبه ويرفاه |
تعليقات