أبيات وأشعار

من عقب زايد

✍️ سيف المريخي

من عقب زايد ماتهم النهايات	الغايب الي عقبه الدار فاضي
راح وتركنا بين لوعة وحسرات	نبكي فراقه بالاسى وامتعاضي
مثل اليتامى حالنا كيف ماجات	والدرب مظلم عقب ماكان ياضي
يرحمك ربي خالقن ها السماوات	يالفارس الي كنت بالحب حاضي
عليك عيني دمعها فوق وجنات	واقول وينك واطلب الله راضي
ياذا الشعر اكتب لشعب الامارات	وارفض تصور زايد بشخص ماضي
والحمد لله في الحزن والمسرات	وادعو لزايد بالجنان الرواضي
ياكم شخصن حي فقلوبنا مات	وياكم راحل فعلة ايكون قاضي
وياربنا يارافعن ها السماوات	يالي بحكمك مالنا باعتراضي
ترحم عزيزن خالقن للمروات	ودع وشعبه عنه اليوم راضي