السعادة
✍️ سيف المريخي
| هات يا شعري جديدك والقصيد | من عقب ماشاف صاحبك السعادة |
| نق لي نقوة من احلى ماتجيد | من بنات افكار سيف ومن مداده |
| نقها كلمات وانغام ونشيد | لجل يبهج من سمع قولي وعادة |
| وخص ذكر الي على قلبي يزيد | لي غلاته ترتفع دوم بزيادة |
| اه كم رددتها وانته بعيد | يا عظيم الشوق صوبني بعادة |
| شوفه ولقياه عندي يوم عيد | وبعد خلي يشبه الموت بهواده |
| لانويت النوم اصبح به شريد | واتخيل كيف خده عل الوساده |
| اشهد اني من عقب خده وحيد | لا ونيس ولا جليس ولا سعاده |
| اطلب الله لي خلقنا له عبيد | تحفظه لاهله واكثر لي زياده |
| وانك اتزيده بعد عمرن مديد | واتعطيه الي يطيب له مراده |
| ويانشيدي بس كل الي اريد | توصله خلي وبلغه الشهاده |
| بأن لي قلب ونبضاته تزيد | لا طرئ له ود خله وابتعاده |
تعليقات