طوفان
✍️ سيف المريخي
| أرسل لكم م القول عنوان | واوصاف شوقي مجبلة فيه |
| معذور خلك هوب غلطان | ولا يستحق انك تجافيه |
| منك الجفا يا خل طوفان | طوفان ضيعني وانا ارجيه |
| ناديت لكن وين الاحسان | وين المحبة لي توفيه |
| بسك زعل وافراق يا فلان | مايستوي هالشوق نخفيه |
| اسمع محبك صار فنان | يكتب ويشكي صد غاليه |
| اطلبك كان لقدريه شان | وراجع ضميرك لو بترضيه |
| وانسى ترى كان الذي كان | واترك بيان الحب يخفيه |
| لا زان وقت بلاك لا زان | ولو زان والله قلت مابيه |
تعليقات