سوالف . . . مرسل الحونك
سوالف . . . مرسل الحونك
✍️ سيف المريخي
| مرحبا يا مرسل الحونك | بك هلا يا صفوة اصحابي |
| نقوة رفاقي وفي لونك | مالشعر تتقند اعصابي |
| لا اتهادى قرب افنونك | اقرب ولا حد مالاغرابي |
| هات لي علمك ومخزونك | اكشف الي فالصدر غابي |
| لكن اترفق على هونك | وبا تعذرلك عن اغيابي |
| ماسلاني عن فضا كونك | الا وانت ادرى بالاسبابي |
| ولا انا لك يالكفو عونك | لا تقول اتغلق البابي |
| امر و اشر وانا دونك | لك على ماتحيدني رابي |
| بس اباك اتشوف بعيونك | واتفطن وانته ادرى بي |
| الرجال اشكال ياتونك | والرفاقه ستر وحجابي |
| ناس فالضيقه يشلونك | وناس ماسولك احسابي |
| وناس لو تشقى يعنونك | وايغدو لك عظم نشابي |
| وناس لو تزقر يهابونك | يحسبونك قاطع رقابي |
| وناس من ذوقك يعلونك | لك غلا في يوفهم شابي |
| لو تعاتب وصل يعطونك | ولجل عينك تكرم اشنابي |
تعليقات