غزلي . . . مباسمك وثغرك
غزلي . . . مباسمك وثغرك
✍️ سيف المريخي
| مباسمك وثغرك وحلو خدك | وسلهامة عيون بلا شفاعه |
| تعاونتو وانا مقدر اصدك | انا روحي ويتوني رباعه |
| ضعفت ولا قدر قلبي يردك | يغلبون الشجاع اهل الجماعه |
| وانا اشهد يارهيف القد قدك | سحرني واعلن القلب انخضاعه |
| تملكته وحزته بطيب ودك | وياك مطيع لك كيف وقناعه |
| قناعة قلب بأنه لك لوحدك | ولا حد فيك بيرد اندفاعه |
| لقاك اتحب له سعده وسعدك | ولا تبغا فراقه ولا ضياعه |
| وانا لك ياكحيل الطرف عندك | تلبي لك ضلوعي بكل طاعه |
| ضعفت ولا قدر قلبي يردك | ودوم الكثرة اتغلب الشجاعه |
تعليقات