بيوت الشعر خطيلي البديعه
✍️ سيف المريخي
| بيوت الشعر خطيلي البديعه | وهاتيلي المعاني الي تشافي |
| ابا اكتب شي في معنى القطيعة | مع الاحكام وترتيب القوافي |
| ابا ارسلها لصاحبنا سريعه | لاجل يفهم بعد معنى التجافي |
| قطيعه .. في معانيه وسيعه | قطيعه .. تبعد اقلوب الولافي |
| قطيعه .. عذرت عنها الشريعه | قطيعه .. يعني انك صرت جافي |
| وهل صاحبك يستاهل تبيعه ؟ | وهل يرضيك يالشاعر تجافي ؟ |
| انا لا جيت ابا اتشره طبيعه | لانك لي خوي ياذا السنافي |
| وترى ماشي خوي ينسى ربيعه | وانا وان غبت لي عذر الزفافي |
| ويتك ابيات هوجاسي سريعه | ولازم بالمثل رد اعترافي |
| وش اعذارك تجازيني القطيعه؟ | اباك اتردلي برد(ن) يشافي |
| ودايم اختم بسيد الجميعه | صلاة الله على سيد الشرافي |
تعليقات