تمشي
تمشي
✍️ سيف المريخي
| تمشي ولا كن الغوى في عينك | تخطف قلوبن فالهوى رويانه |
| وانته ولا همك ولا ف أيدينك | حسنك وسبحان العلي في شانه |
| زينك يا مدعوج العياني زينك | رسمك وزين إشفاتك الرويانه |
| طولك وشد انهودك وردفينك | عودك وضمة خصرك الشقيانه |
| أنا وكلي والحشا مغلينك | طاير افوادي بك وزاد إينانه |
| كيد العواذل بالجمال وزينك | يا قايد اريام الفلا ف أوطانه |
| فدوة عيونك خدك وكفينك | أرفق ترفق يا عويد البانه |
| تضحك ولا كن الغوى في عينك | حسنك وسبحان العلي في شانه |
تعليقات