للشـــوق قمة
للشـوق قمة
✍️ سيف المريخي
| اما تدرين في للشوق قمه؟ | وانا متربع القمه وتايه! |
| تبين الصدق ولا ولد عمه؟ | احس من الوله كأنج معايه |
| تنسيني العنا وازياد همه | وارمي كل هالعالم ورايه |
| الا ليتج على زندي وكمه | وعيني تنظرك تروي ضمايه |
| تفلين الشعر وارجع المه | تقولي لي حبيبي يا هنايه |
| وانا البي بأسمج واستجمه | غناة الروح ياقلبي ومنايه |
| وودي اه يا ودي بضمه | تنسيني تعب جسمي وشقايه |
| يداعب منسمي عطرج واشمه | واغذي به فوادي في حشايه |
| يغذيها العروق ف صب دمه | و يرويها ولا قالت كفايه |
| حبيبي قلتلك للشوق قمه | وانا من فوقها هايم وتايه |
تعليقات