ياهل الاشعار في نظم الجزيلة

جيت ابا اشكي شعر ودعلي بياني

لابغيت اكتب من ابياتي قليلة

عذرت واتزيد في شد العناني

والصراحه عندي من الهم شيلة

وودي اشكي من بلا جور الزماني

والشعر كم زاد في عنده وعيله

مايصافيني على كبوة حصاني

وش حصل يامن له الجزلة زميلة

وش حصل لا جيت ابا اوصف وشبلاني

شعري الي كنت له خوه وزميلة

ودع وخان الزماله في ثواني

وينها ايام الشقا في كل ليله

وينها اشواقك ووين المولعاني

وين من كان لمديحي سلسبيله

وين من كان لعتابي والحناني

ياهل الاشعار في وصف الجميله

حل ابغا في مصابي مستعاني

لول اليا جيت ابا اكتبها طويلة

او قصيره او من المسحوب ياني

او من ابحور الفصيح المستميلة

كم اجرب في بحوره والمعاني

لكن الايام هذي مستحيلة

لا شعر لا نثر لا قولن هناني

بشتكيكم شعري ونفسي عليله

وبي غرابه اشتكي والقاف زانـــــــــي